Novela que reflicte unha vida problemática e tráxica no seo dunha sociedade indiferente e incapaz de ofrecer un sistema de valores verdadeiramente asumibles. O protagonista, fillo único dun decadente matrimonio burgués que vive na cidade de Lugo, descobre a súa homosexualidade latente e emprende unha carreira contra o tempo en procura de si mesmo, desde a propia sexualidade e de acordo co seu propio corpo. M.ª Xosé Queizán explora pois as restriccións psicolóxicas e sociais que na sexualidade impón unha sociedade na que a heterosexualidade é dominante e as implicacións que para a identidade sexual e emocional do protagonista, e para as súas relacións, isto trae consigo. A busca da autenticidade, tanto no persoal coma no social, é daquela o motivo central desta novela.